Gjithçka që duhet të dini për trendet vjeshtë-dimër 2017/18
Nga Stela Sallaku/Shumë njerëz i lënë pas dore këto stinë, duke veshur ç’të jetë dhe jo çfarë duhet realisht. Thjesht “mbulohemi” sa më shumë të mundemi në mënyrë që ta ndiejmë të ftohtin sa më pak të jetë e mundur. Disa vishen me të zeza nga koka tek këmbët, dhe i kursejnë vetes mundin e kombinimit (edhe pse e zeza është ndër ngjyrat që kërkon kombinime të zgjuara), kosniderohet gabim në botën e stilimit nëse vishesh komplet me të zeza, pa asnjë thyerje. Megjithatë do flasim një herë tjetër gjerë e gjatë për këtë temë, për ta konkretizuar tamam atë çka dua të them.
Disa veshin dhe mbështillen me pallton e gjatë dhe çizmet deri tek gjuri për të mundur temperaturat e ulëta. Por dimri nuk është sezoni ku duhet të visheni keq, përkundrazi. Kemi mundësinë të luajmë me shtresat, dizenjot e palltove, dhe shallet. Për të mos folur pastaj për çizmet të cilat janë elementi më i bukur i veshjes. Mund t’i vishni me fustane të gjatë me dekolte të theksuara, ose me këmisha të gjata. Unë nuk i rekomandoj pantallonat e futura në çizme. Më poshtë keni shumë arsye për ta shijuar të veshurin në sezonin e ftohtë .
1- E kuqe nga koka tek këmbët
Nuk ka rëndësi tonaliteti, mjafton ti veshësh bashkë të gjitha sipas rendit të gjatësisë dhe ja! Do I jepni një pamje tjetër veshjes dhe ngjyrë portretit.
2- Pupla dhe pellush
Që nga koka deri tek shapkat, fundet dhe palltot. Është qejf apo jo? Lini fantazinë të lirë dhe përfundimi do ju pëlqejë.
3- Limiti i gjatësisë është kofsha
Por kujdes, nëse janë të shkurtra duhet të jenë patjetër oversize.
4- Boohoo
Për të apasionuarit e këtij stili, kanë rastin të shpalosin krijimtarinë në stilimin e fustanit me printe dhe nota “country”.
5- Geta novatore
Gjithnjë kam qënë fanse e getave, sido që të ishin I vishja. Që nga të zezat klasike me pika ose qëndisje lulesh, deri tek të kuqet dhe blutë. Të kombinuara me xhaketë tartan japin maksimumin.
6- Kostum gri
Duhet ta keni një patjetër. Nëse është prerje mashkullore aq më mirë.
7- Kapele franceze
Pikërisht, në 1990 kanë qenë hit, Rihanna na tregoi se janë akoma.
8- Triko me prerje oversize
Sidomos kur kombinohen me një fund tutu dhe çizme janë e preference e mjaft influencerve të modës.
9-Çanta gjigante
Një nga trendet më të guximshme por që nëse i mbani me kombinimin e duhur do e plotësoni look-un këndshëm.
10- Sloganet
“E ardhmja është e femrave” bëri bujë pasi u prezantua në sfilatën e Dior, dhe jo vetëm. Vazhdon të mbajë rekorde në shitje.
11- Këpucë me fjongo dhe detaje të ndritshme
Nga qëndisjet kaluam në gurë dhe detaje plot, por pa u larguar nga ‘Hirushja’.