11 persona të lënduar në fluturimin e Lufthansa pas turbulencave të forta
E Martë 12 Nëntor 2024, 18:48
TiranaPost
11 persona mbetën të lënduar në një fluturim të Lufthansa nga Buenos Aires në Frankfurt përshkak të turbulencave.
“Fatkeqësisht, pesë pasagjerë dhe gjashtë anëtarë të ekuipazhit pësuan lëndime kryesisht të lehta”, tha një zëdhënës i Lufthansa, duke shtuar se “siguria e fluturimit nuk ishte në asnjë moment në rrezik”.
Pasi avioni u ul i sigurt në destinacionin e tij të planifikuar në orën 10:53 të mëngjesit më 12 nëntor, të gjithë të lënduarit morën trajtim mjekësor menjëherë, tha linja ajrore.
Fluturimi që hasi në turbulenca ishte Boeing 747-8, i cili kishte 329 pasagjerë dhe 19 anëtarë të ekuipazhit në bord. Megjithatë, turbulenca ishte e shkurtër dhe ndodhi në një zonë konvergjence ndërtropikale.
Turbulenca ndodh kur një tufë rrymash ajri rrotullohen në drejtime të ndryshme për një sërë arsyesh, si ndryshimet e temperaturës ose stuhitë. Por, çfarë duhet të bëni që të mos keni pasoja më të rënda fizike:
Asnjëherë mos u ngrini në këmbë
Mos e hiqni rripin e sigurimit
Mos dilni nga tualeti
Asnjëherë mos i hapni kapakët sipër kokës suaj
Mos e lini hapur tavolinën para këmbëve
Mundohuni të mos bëni panik
