Aktualitet

25 vjeçari humb jetën nga aksidenti në Dukat

25 vjeçari humb jetën nga aksidenti në Dukat

Një aksident me pasojë vdekjen ndodhi pak orë më parë në Dukat të Vlorës. Për pasojë një 25 vjeçar nga Korça me inicialet R.SH ka ndërruar jetë. Ai humbi kontrollin e makinës tip Seat dhe u përplas me murin anësor të rrugës. Ai u dërgua në spitalin e Vlorës por më pas ndërroi jetë.  Bashkë me të ndodheshin dhe dy pasagjerë të tjerë të cilët janë jashtë rrezikut për jetën.

Policia ka publikuar njoftimin lidhur me ngjarjen e rëndë:

 “Rreth orës 16:00, në aksin rrugorë pranë fshatit Fushë Dukat, shtetasi R. Sh., 25 vjeç, banues në Korçë duke drejtuar automjetin tip Seat shoqëruar me dy pasagjerë të tjerë, ka humbur kontrollin e mjetit dhe është përplasur me murin anësor të rrugës.

Si pasojë e përplasjes drejtuesi 25 vjeçar ka marrë dëmtime të rënda dhe është transportuar në Spitalin e Vlorës, ku më pas ka ndërruar jetë.

Dy pasagjerët e tjerë ndodhen jashtë rrezikut për jetën”.