Aktualitet

Përsëri aksident tek vijat e bardha në Tiranë. Një 20 vjeçare u përplas nga makina

Përsëri aksident tek vijat e bardha në Tiranë. Një 20

Një 20-vjeçare është përplasur teksa kalonte te vijat e bardha në Tiranë. Autori i cili pas aksidentit u largua nga vendi i ngjarjes është arrestuar nga policia pak më vonë.

Nuk ka informacione për gjendjen shëndetësore të 20-vjeçares.

Kujtojmë se para disa ditësh një aksident i rëndë ndodhi te Rruga e Kavajës, ku 39-vjeçari Ajas Sulejmani përlasi me makinë një çift dhe foshnjen e tyre 3-muajsh dhe më pas u largua nga vendi i ngjarjes. Fatmirësisht foshnja nuk pati asjnë dëmtim ndërsa çifti ndodhet në kujdes intensiv.

Njoftimi i policisë

Komisariati Rajonal i Policisë Rrugore, me qëllim parandalimin e aksidenteve rrugore dhe rritjen e sigurisë për përdoruesit e rrugës, ka organizuar punën me grupe të dedikuara, për të evidentuar dhe ndëshkuar shkelësit agresivë të Kodit Rrugor, të cilët janë rrezik potencial për jetën e përdoruesve të rrugës.

Rëndësi e veçantë i është kushtuar ndëshkimit të atyre drejtuesve të mjeteve që nuk i japin përparësi këmbësorëve, në vijat e bardha. Vihet në pranga një shtetas që aksidentoi një këmbësore, në vijat e bardha.

Shërbimet e Policisë Rrugore, pas marrjes së njoftimit se një automjet me drejtues të paidentifikuar kishte aksidentuar shtetasen E. M., 20 vjeçe, në vijat e bardha, në rrugën “Ismail Qemali”, dhe më pas ishte larguar, kanë organizuar menjëherë punën për identifikimin dhe kapjen e drejtuesit të mjetit.

Si rezultat i veprimeve të shpejta profesionale, është bërë identifikimi i drejtuesit të mjetit, shtetasi S. P., banues në Tiranë, dhe arrestimi i tij, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

Po në vijim të masave të marra për parandalimin e aksidenteve rrugore, gjatë kësaj jave janë arrestuar dhe proceduar penalisht në gjendje të lirë 47 drejtues mjetesh. Gjithashtu, janë ndëshkuar me masë administrative 145 drejtues mjetesh, për mosdhënie përparësie këmbësorëve, në vijat e bardha.

Policia Rrugore e Tiranës falënderon përdoruesit e rrugës që zbatojnë rregullat e qarkullimit rrugor dhe fton qytetarët që të denoncojnë në numrin 112 dhe në Komisariatin Dixhital, çdo paligjshmëri.