Aktualitet

Ata ngrenë akuzën në drejtimin tonë duke thënë se drejtësia është e papërfunduar për 21 Janarin, kryeministri: Transformimi i drejtësisë po funksionon

Ata ngrenë akuzën në drejtimin tonë duke thënë se

Atyre që ngrenë akuza në drejtim të qeverisë për drejtësi të papërfunduar për 21 Janarin, kryeministri Edi Rama iu përgjigj sot duke thënë se transformimi i drejtësisë po funksionon.

Duke theksuar se kjo nuk është një përpjekje për të justifikuar faktin se drejtësia nuk e ka kryer detyrën e vet Rama shtoi se qeveria nuk bën rolin e prokurorisë, por drejtësia e cila është krejt e pavarur nga pushteti.

“Ata ngrenë akuzën në drejtimin tonë duke thënë që drejtësia për 21 Janarin është e papërfunduar por duke ngatërruar kohën që kemi sot dhe nuk jemi që prej 1990 kur politika, partia në qeveri mund të bëjnë atë që i takon ta bëjë drejtësia, Parlamenti nuk bën gjyqe dhe nuk jep vendime gjyqësore. Qeveria nuk bën rolin e prokurorisë. As ministri i Drejtësisë as kryeministri nuk ngrenë akuza penale për t’ia çuar gjykatës së partisë.  Është drejtësia që i bën këto. Krejt e pavarur nga pushteti. Shumëkush e konsideron këtë përpjekje për të justifikuar faktin se drejtësia nuk e ka kryer detyrën e vet.

Transformimi i drejtësisë po funksionon por natyrisht rruga e përmbushjes së këtij transformimi është në mes, siç janë sot kantieret e tërmetit që janë ende të pabanueshme. Por janë aty dhe tregojnë se më e keqja është lënë pas dhe e mira është përpara. Një pjesë janë larguar nga sistemi i drejtësisë si pjesë e llumit duke mos kaluar filtrin e sistemit. Drejtësia do e bëjë të sajën dhe ata që i vranë për herë të dytë dhe i vranë në bashkëpunim me nëjri-tjetrin me palë të treta, të veshur nën togën e zezë të gjykatësve të përgjigjen. Një pjesë janë ende në punë duke qenë se nuk iu ka ardhur radha. Kjo është pasqyra krejt e ngjashme me kantierin e ndërtimit. Ka diçka për të shtuar se shumkush mendon se me pastrimin nga vetingu mbaron pastrimi i këtyre, jo, vetingu është filtri që pastron prurjen në sistem dhe pjesë e të gjithë infrastrukturës së ngritur për ta vendosur drejtësinë në themele të reja”, tha kryeministri.