Berisha i poston një foto me Hashash, ish ministri Tahiri repost: Vetëm ky s’më zhgënjen kurrë
Ish kryeministri Berisha ka postuar një foto të Saimir Tahirit ku pas tij ka vendosur me photoshop gjethe hashashi. Në foton që ka postuar Berisha shkruan: Hashash pushime.
Fotos i ka bërë repost vetë ish ministri në Instagram ku shkruan: Vetem ky s’me zhgenjen kurre (dhe emoji duke qeshur).
Saimir Tahiri publikoi një ditë më parë foton origjinale ku tregonte se ndodhej në: Kuç-Gusmar-Llufe deri te Jaho Xhebra.
Por kush e ka 'zhgënyer' Tahirin që Berisha siç ironizon Tahiri 'nuk e zhgënjen kurrë'? 5 ditë më parë duke iu referuar vendimit të gjykimit nga e para për çështjen e tij gjyqësore, ai postoi foton e dokumentit të vendimit të fundit dhe shkroi: Edhe “ne emer te Politikes”... Beteja vazhdon ?
Gjykata e Posaçme e Apelit, vendosi rigjykimin nga e para të çështjes me argumentin e kontradiktave dhe shkeljeve që kishte bërë Prokuroria. Në vendimin e Apelit të Posaçëm thuhej se, Tahiri u dënua për shpërdorim detyre, vepër për të cilën nuk është hetuar. Sipas Apelit, Prokuroria ishte kontradiktore pasi kishte ngritur akuzë të re, ndërsa ish-ministrit nuk iu dha mundësia të mbrohej për akuzën e “shpërdorimit të detyrës”.