Aktualitet

Bllokohen për katër ditë anijet e peshkimit në Vlorë

Bllokohen për katër ditë anijet e peshkimit në Vlorë

Moti i keq ka pezulluar lundrimin e anijeve të peshkimit në Vlorë. Lajmin e ka dhënë kapiteneria e Vlorës. Nga sot, deri në datën 22 nëntor aniijet e peshkimit nuk do të dalin në det.

Në Durrës gjithashtu ka pasur problematika. Lundrimi për në Bari të Italisë i planifikuar për sot në mbrëmje është shtyrë për orët në vazhdim.

Njoftimi i kapitenerisë:

Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj për datën 19-20-21-22 nëntor 2022 duke filluar nga ora 12:00 date 19 Nëntor në drejtimin Jug-Jug-Lindje në forcën 5-6bft, 1.20-1.80m brenda gjirit të Vlorës dhe jashtë gjirit të Vlorës në forcën 6-7bft deri 8bft 15-25m/s dhe lartësi dallge nga 1.80 deri 3.50 metra.

Është e ndaluar dhënia e leje-nisjes e të gjitha mjeteve të vogla lundruese , anijeve të peshkimit që operojnë jashtë gjirit të Vlorës dhe marrjen e masave për sigurimin e tyre.
Mjetet e vogla lundruese dhe anijet e peshkimit që operojnë brenda gjirit të Vlorës të kenë në konsideratë kushtet e parashikuara të përkeqësuara dhe marrjen e masave për sigurimin e tyre.

Njoftohen të gjithë drejtuesit anijeve të peshkimit dhe mjetet e vogla lundruese për situatën e përkeqësuar dhe të merren masat për sigurimin e mjeteve në vendet e akostuara dhe parandalimin e ngjarjeve dhe situatave gjatë datave 19-20-21-22 nentor 2022.

Anijet e transportit ndërkombëtar detar vazhdojnë të operojnë normalisht.
Përmirësimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas datës 22 nëntor 2022 ora 10:00.