Braçe i përgjigjet Dukës dhe e quan 'Tire': Kërkon lekë pse po bëhen vaksina në stadium
Pas lajmit se FSHF i ka kërkuar qira ministrisë së Shëndetësisë për shfrytëzimin e ambienteve të Stadimut Air Albania, ku është ngritur qendra e vaksinimit, ka reaguar zv kryeministri Erion Braçe. Përmes një postimi në Instagram, Braçe e quan kreun e FSHF Tire (sanitarja që hiqej si infermiere dhe i merrte para vajzës së një pacienteje) dhe thotë se një muaj më parë ai dyshonte nëse Shqipëria do të siguronte vaksinën anti-Covid.
Braçe shkruan:
"O Zot, përsëri Tirja. Lekë pse po bën vaksina në stadium. Një muaj më parë tallej si presidenti i partisë me dyshimin tregtar: do e sjellë apo nuk do e sjellë qeveria vaksinën!
Tani që vaksinimi është fakt, nisi nga e para kënga: Dum pare, duam pare".
View this post on Instagram
Në media thuhet se FSHA ka kërkuar para me pretendimin se stadiumi duhet mirëmbajtur dhe se i është premtuar se do të lirohet para datës 28 mars, data kur Kombëtarja do të luajë në ndeshjen kundër Anglisë për eliminatoret e Botërorit.
Vetë kreu i FSHF-së nuk ka reaguar.