Aktualitet

Devijohet trafiku në Tiranë: Oraret dhe rrugët që duhet të shmangni

Devijohet trafiku në Tiranë: Oraret dhe rrugët që duhet

Gjatë natës së datave 24 dhe 25 nëntor do të devijohet trafiku nga Ura e lumit Lana deri te kryqëzimi me zgjatimin e Bulevardit “Migjeni” për shkak të punimeve që do të bëhen në rrugën paralele perëndimore.

Njoftimi është dhënë nga ARRSH dhe kufizimi do të zgjasë prej orës 20:00 të mbrëmjes deri në orën 06:00.

Njoftimi

Fillojnë punimet për shtresën e fundit të asfaltit në rrugët dytësore të Loti 2

Në datat 24-25.11.2021 gjatë natës do të kryhen punime në rrugën paralele perëndimore (krahu i pallateve) nga Ura e lumit Lana deri te kryqëzimi me zgjatimin e Bulevardit “Migjeni”.

Në këtë segment do të devijohet trafiku prej orës 20:00 të mbrëmjes deri në orën 06:00

Të gjitha automjetet që do të vijnë nga ish-sheshi Shqiponja, do të devijojnë vetëm majtas me destinacion rrethin e Pallatit me Shigjeta dhe do të jenë te bllokuara të gjitha degëzimet që lidhen me këtë aks dytësor me destinacion rrugën “Tom Plezha”.

Nuk do të lejohen parkimet e automjeteve në këtë aks.