Aktualitet

Doganierët grekë nesër në grevë! Njoftimi me rëndësi kush do lejohet të kalojë Kakavijën gjatë bllokimit

Doganierët grekë nesër në grevë! Njoftimi me

Nga nesër data 24 nëntor, ora lokale greke 07:00 deri në orën 07:00 të datës 25 nëntor, do të ndërpritet puna në pikëne kalimit kufitar të Kakavijës. Mësohet se shkak i ndërprerjes së punës është bërë një grevë e planifikuar nga nga punonjësit e doganës greke. Drejtoria Vendore e Kufirit dhe Migracionit Gjirokastës ka publikuar njoftimin me rëndësi ku u bën thirrje qytetarëve me dokumente greke, të shmangin udhëtimin në drejtim të kësaj pike kalimi deri me 25 nëntor. 

-Por në njoftim përcaktohen kategoritë që do lejohen të kalojnë: 

Përjashtim do të ketë vetëm për udhëtarët këmbësorë, kamionët që transportojnë mallra ushqimore që ruhen në kushte frigoriferike, kamionët që transportojnë kafshët e gjalla dhe automjetet për raste emergjente shëndetësore apo raste vdekjesh.

-Lexo njoftimin e plotë si më poshtë:

Drejtoria Vendore e Kufirit dhe Migracionit Gjirokastër

Stacioni i Policisë Kufitare Kakavije:

Autoritetet e Policisë greke, në bazë të një njoftimi zyrtar që i kanë dërguar Policisë Kufitare Kakavije, sqarojnë se për shkak të grevës që do të zhvillohet nga punonjësit e doganës greke, do të ketë një ndërprerje të punës, duke filluar nga dita e nesërme, datë 24 nëntor, ora lokale greke 07:00 deri në orën 07:00 të datës 25 nëntor.

Sqarojmë se gjatë këtij harku kohor, si në hyrje dhe në dalje të doganës greke, nuk do të lejohet kalimi i automjeteve si motoçikleta, autovetura, furgonë që transportojnë qytetarë dhe kamionët që transportojnë mallra.

Përjashtim do të ketë vetëm për udhëtarët këmbësorë, kamionët që transportojnë mallra ushqimore që ruhen në kushte frigoriferike, kamionët që transportojnë kafshët e gjalla dhe automjetet për raste emergjente shëndetësore apo raste vdekjesh.

Policia Kufitare e Kakavije iu bën thirrje të gjithë qytetarëve që duan të udhëtojnë drejt Greqisë, që gjatë këtij harku kohor, të shmangin udhëtimin në drejtim të kësaj pike kalimi.

Duke ju falënderuar për bashkëpunimin.

Doganierët grekë nesër në grevë! Njoftimi me