Çfarë po ndodh në Mamurras? Veliu dhe Vocaj nisen në vendngjarje pas përplasjes me armë të një grupi me policët
E Martë 13 Prill 2021, 15:11
TiranaPost
Kreu i Policisë së Shtetit, Ardi Veliu, drejtori i Departamentit të Policisë Kriminale Tonin Vocaj dhe grupe të Forcave të Ndërhyrjes së Shpejtë janë nisur drejt Mamurrasit pas përplasjes me armë mes dy policëve dhe një grupi personash të armatosur.
Për shkak të të shtënave, dy policët dhe një qytetar kanë mbetur të plagosur. Ende nuk dihet arsyeja e përplasjes. Dy policët dhe qytetari ndodhen në spital, jashtë rrezikut për jetën. Ata do të merren në pyetje për të zbardhur ngjarjen. Policia ka ngritur menjëherë pika kontrolli në disa akse rrugore.
*Tiranapost.al.