Aktualitet

Firmoset marrëveshja në Abu Dabi, sa është vlera e projektit për rindërtim në Durrës e Spitallë

Firmoset marrëveshja në Abu Dabi, sa është vlera e projektit

Ministri për Rindërtimin, Arben Ahmetaj dhe kryeministri Edi Rama ishin sot në një vizitë të rëndësishme në kryeqytetin e Emirateve të Bashkuara Arabe, në Abu Dabi, ku ka firmosur dhe marrëveshjen e financimit dhe ndërtimit të 2000 apartamenteve të reja në Durrës.

Përmes një postimi në “Facebook”, Ahmetaj  njofton momentin e nënshkrimit të kësaj marreveshje me vlerë 75 milionë dollarë dhe shkruan se 2000 banesa të reja, më të forta, më të sigurta, do të ndërtohen nga e para për të rilindur Spitallën dhe Durrësin.

“RINDËRTOJMË BASHKË

Abu Dhabi - 2000 banesa të reja, më të forta, më të sigurta, më të bukura do të ndërtohen nga e para për të rilindur Spitallën dhe Durrësin !

Sot 1 vit nga tërmeti i 26 Nëntorit, nuk mund të ndaja me ju një lajm më të mirë se nënshkrimi i marrëveshjes me Fondin e Abu Dhabit për Zhvillim, finalizimi i një procesi intensiv diskutimesh, studimi, planifikimi e projektimi me miqtë e partnerët tanë emiratas, një projekt fantastik me vlerë 75 milionë dollarë që angazhon jo vetëm njohuritë dhe eksperiencën e vyer inxhinierike, por edhe një koncept modern të jetës në komunitet, në qendrat e reja urbane, ekonomike e sociale që do të kthehen në modelin e ardhshëm të rilindjes urbane në të gjithë vendin”, shkruan Ahmetaj.