Aktualitet

Bardh Spahia kërkon dorëheqjen e Manastirliut. Thotë se ka nxjerrë pamje të rreme nga Infektivi

Bardh Spahia kërkon dorëheqjen e Manastirliut. Thotë se ka

E akuzon se ka postuar pamje të rreme nga Infektivi dhe kërkon që Ogerta Manastirliu të dorëhiqet dhe që SPAK të filojë hetimet. Ish ministri i Shëndetësisë i PD Bardh Spahia ka postuar në faqen e tij në Facebook një mesazh ku pretendohet se pamjet që ka postuar nga Infektivi ministrja kanë përfshirë një paciente e cila nuk ka qenë shtruar me virus por me një sëmundje tjetër dhe se tani aktualisht është në shtëpi. Sipas Bardhit ky mesazh është i vërtetë se dhe pamjet tregojnë gjithashtu se serumet jepen në shishe uji, duke i bërë thirrje SPAK të nisë menjëherë hetimet.

Bardh Spahia kërkon dorëheqjen e Manastirliut. Thotë se ka

Bardh Spahia kërkon dorëheqjen e Manastirliut. Thotë se ka

Postimin e plotë e gjeni si më poshtë:

“Ministrja e Shëndetësisë duhet te japë dorëheqjen! Ajo ka mashtruar qytetarët përmes pamjeve të rreme, duke i terrorizuar ata. Efekti nuk është aspak sensibilizimi i qytetarëve për të përdorur maskën dhe masat e tjera për distancim social dhe higjenë.

Denoncimin e një qytetari tek JOQ ma kanë dërguar me dhjetëra të njohur, të revoltuar nga horrorri që Ministrja e Shëndetësisë përcjell me dashje. Qytetari ka njohur në video gjyshen e tij, të painfektuar nga COVID, që sot e ka në shtëpi, por që Ogerta Manastirliu e paraqet si të shtruar në spitalin COVID.

Ogerta Manastirliu duhet të japë dorëheqjen, sepse në vend të mesazheve bashkëpunuese, edukative për qytetarët, mbjell frikë dhe terror me regjinë e rreme makabre të Edi Ramës. ytetarë! Kujdesuni për veten!

Është e vetmja mënyrë që të mos përfundoni tek spitali Infektiv, ku kushtet e pacientëve me COVID 19 janë skandaloze, siç kemi parë me në pak foto dhe video klandestine, pasi të sëmurët trajtohen si të burgosur pa asnjë të drejtë kontakti me jashtë, vetëm për të mos treguar të vërtetën e dështimit të Ogerta Manastirliut dhe Edi Ramës me krizën COVID 19 dhe me shëndetësinë në këto 7 vjet.

Shikoni edhe një herë videon e qeverisë. Pamjet tregojnë se serumet jepen në shishe uji. Në këtë nivel të tmerrshëm ka mbërritur shëndetësia falas, që premtoi Edi Rama 7 vjet e gjysëm më parë.

Prokuroria e Posaçme duhet të nisë menjeherë hetimin penal për Ministren e Shëndetësisë, që shpërndau një video false për të terrorizuar qytetarët!

Në gati 108 vjet shtet, shqiptarët nuk kanë patur kurrë një qeveri kaq armiqësore ndaj tyre sa modeli që solli Edi Rama. Një qeveri që i vjedh, i varfëron, i mashtron dhe i terrorizon!”,

Kjo është videoja që postoi dje minsitrja.