Foto/ Stuhia me shi në jug nuk i ktheu të gjithë pushuesit, përkundrazi
E Diel 5 Korrik 2020, 13:51
TiranaPost
Jugu i vendit është përfshirë nga reshje të dendura të shiut. Pushues të shumtë vendosën ta linin fundjavën në bregdet përgjysmë dhe të niseshin për në shtëpi, duke çuar edhe në një trafik të rënduar nga Llogaraja deri në hyrje të Vlorës.
Por jo të gjithë janë kthyer, përkundrazi po shijojnë detin edhe me shi. Në Folie Marinë në Jalë festa vazhdon. Shumë pushues janë mbledhur aty dhe po kërcejnë, kryesisht të rinj.
Aktori Florian Binaj ka postuar një foto nga plazhi i Potamit në Himarë, ku bashkë me miq e të afërm kanë dalë në bregdet dhe po qëndrojnë nën shi, si 'Djemtë e Detit'.
Edhe kjo foto nga Saranda nga brenda një hoteli, por shiu atje nuk ka zgjatur shumë.