GJKKO ashpërson dënimet për Lefter Kokën dhe Alqi Bllakon
E Premte 8 Nëntor 2024, 15:29
TiranaPost
Gjykata e Posaçme e Apelit ka shpallur vendimin përfundimtar për çështjen e Inceneratorit të Elbasanit.
Apeli i GJKKO ka dënuar ish-ministrin e Mjedisit, Lefter Kokën me 10 vite burg me gjykim, i cili me gjykim të shkurtuar do të kryejë 6 vite e 8 muaj burg.
Ndërkohë Alqi Bllako është shpallur fajtor dhe është dënuar për ‘shpërdorim detyre’ me 4 vite burg, nga të cilat me gjykim të shkurtuar do të kryejë 2 vite e 8 muaj.
Ndërkohë Klodian Zoto u dënua në mungesë me 10 vite burg dhe me gjykim të shkurtuar do të vuajë 6.8 vite burgim. I njëjti denim në mungesë u dha edhe për Mirel Mërtirin.
Stela Gugallja, e arrestuar pak kohë më parë në Vjenë, u dënua me 7 vite burgim dhe me gjykim të shkurtuar do të vuajë 4.8 vite.
Pellumb Abeshi dhe Jonida Zeqo u dënuan me 4 vite heqje lirie dhe me gjykim të shkurtuar do të vuajnë 2.8 vite heqje lirie.
Bardhyl Çabiri u dënua me 2 vjet dhe Serafin Papa 1.4 burg
