Aktualitet

Hyn sot në fuqi rregulli i ri: Çfarë duhet të dish para se të shkosh në Gjermani me makinë apo autobus

Hyn sot në fuqi rregulli i ri: Çfarë duhet të dish para se

Nga dita e sotme hyri në fuqi detyrimi i testit për të kthyerit nga pushimet, masë që u mor për të penguar përhapjen e virusit në fund të pushimeve të verës në Gjermani. Sipas vendimit: Të gjithë personat nga mosha 12-vjeçare duhet të paraqesin para hyrjes në Gjermani testin negativ, vërtetimin e vaksinimit apo shërimit nga virusi.

Ky rregull vlente deri tani vetëm për pasagjerët ajrorë, por tani vlen për të gjitha rrugët e hyrjes në Gjermani, me automjet, autobus apo tren. Kontrollet do të zhvillohen në masë të gjerë.

Ndërkohë në Gjermani siç shkruan Deutsche Welle, debatohet për ndalimin e testimit falas për personat e pavaksinuar. Megjithëse qeveria gjermane ka thënë, se testet falas aktualisht do të vazhdojnë ka mjaft zëra nga qeveritarë gjermanë, që kërkojnë përcaktimin e një date për futjen e testimit me pagesë.

Hyn sot në fuqi rregulli i ri: Çfarë duhet të dish para se

Ministria gjermane e Shëndetësisë në një prononcim për agjencinë gjermane të lajmeve, dpa, tha se, "ministri Jens Spahn ka thënë para javësh, se e quan të mundur, që të mos ofrohen më falas testet për të pavaksinuarit në një kohë të mëvonshme. Se kur është ky afat mbetet të përcaktohet.”

Por sipas qarqeve qeveritare, ende nuk ka ujdi, nëse nga fundi i shtatorit nuk do të ofrohen më testet falas për të pavaksinuarit.

Edhe ministri gjerman i Financave, Olaf Scholz (SPD) në intervistë për grupin mediatik "Funkegruppe”, tha se "testet e Coronës do duhet të bëhen me pagesë, kur të gjithë të kenë mundësinë të vaksinohen, pra në pak javë.

Hyn sot në fuqi rregulli i ri: Çfarë duhet të dish para se

”Përjashtime duhet të ketë natyrisht për ata që nuk mund të vaksinohen për shkaqe shëndetësore apo për fëmijët e të rinjtë. Edhe kryeministri i landit, Shlezig-Holshtajn, Daniel Günther i kërkoi federatës t'i bëjë me pagesë sa më shpejt të jetë e mundur testet kundër Coronës. "Qeveria gjermane duhet që në javën e ardhshme të përcaktojë një datë konkrete për zbatimin e testit të Coronës me pagesë.” Kjo datë mund të të jetë 20 shtatori. "Deri atëherë çdo i pavaksinuar e ka shansin të vaksinohet dy herë”, shkruan dpa.

*Tiranapost.al.