Aktualitet

I vodhi paratë dhe kartën e bankës pacientit që vdiq nga Covid-19, arrestohet infermierja

I vodhi paratë dhe kartën e bankës pacientit që vdiq nga

Pas denoncimit në Stop, ku një djalë denonconte se babait të tij të shtruar në spitalin Infektiv i kishin vjedhur paratë dhe kartën e bankës,  policia ka vënë në pranga infermieren.

30-vjeçarja Ronida Hysa, akuzohet se ka vjedhur para nga pacienti me koronavirus që ndërroi jetë. Ndalimi i saj është bërë pasi në bazë të pamjeve filmike rezulton se autorja e vjedhjes së një shume parash në portofolin e shtetasit K. D., i cili ka qenë i shtruar në spitalin infektiv, ku ka ndërruar jetë nga COVID-19.

I vodhi paratë dhe kartën e bankës pacientit që vdiq nga

"Specialistët për Hetimin e Krimit në Komisariatin e Policisë Nr. 4, në bashkëpunim me Prokurorinë e Rrethit Gjyqësor Tiranë, kanë bërë të mundur identifikimin, lokalizimin dhe ndalimin e shtetases R. H., 30 vjeçe, banuese në Durrës.

Ndalimi i kësaj shtetaseje u bë pasi në bazë të pamjeve filmike rezulton si autorja e vjedhjes së një shume parash në portofolin e shtetasit K. D., i cili ka qenë i shtruar në spitalin infektiv, ku ka ndërruar jetë nga COVID-19.

Pas kallëzimit të bërë për këtë ngjarje, nga djali i të ndjerit, shtetasi F. D., 25 vjeç, i cili ka deklaruar se nga llogaria bankare e të atit ishte tërhequr shuma 60.000 lekë, specialistët për Hetimin e Krimit në Komisariatin e Policisë kanë organizuar punën për identifikimin e autorit.

Në bazë të provave filmike ka rezultuar se edhe shuma e parave është tërhequr nga shtetasja R. H., infermiere në spitalin infektiv, e cila ka pranuar autorësinë e ngjarjes, që është bërë mediatike edhe nga emisioni investigativ “STOP”.

Materialet procedurale do të referohen në Prokurorinë e Rrethit Gjygjësor Tiranë, për veprime hetimore të metejshme, për veprat "Vjedhja" dhe "Vjedhja duke shpërdoruar detyrën", thuhet në njoftimin e policisë.