Irani ka nisur sulmet me raketa ndaj Izraelit.
Televizioni shtetëror iranian ka përcjellë një deklaratë nga ushtria e Teheranit duke konfirmuar se "dhjetëra" raketa janë lëshuar drejt Izraelit dhe kanë kërcënuar një sulm tjetër nëse Izraeli përgjigjet.
Autoritetet izraelite kanë dhënë instruksione për popullatën në zona të caktuara të Izraelit, duke i orientuar të shkojnë në vendet e sigurta.
“Ne kemi kryer një numër të madh monitorimesh. Ka pasur disa goditje në qendër dhe zona të tjera në jug të vendit. Në këtë fazë, ne jemi ende duke vlerësuar situatën. Ky sulm do të ketë pasoja. Ne kemi plane dhe do të veprojmë në vendin dhe kohën që do të vendosim", deklaroi zëdhënësi ushtarak, Daniel Hagari, pas sulmit.
Shërbimet e urgjencës janë dërguar në disa vende, por deri më tani nuk ka raportime për të lënduar.
