Aktualitet

Ish-deputeti shërohet nga virusi pas 25 ditësh: Kjo e keqe nuk kaloi pa dhënë një goditje

Ish-deputeti shërohet nga virusi pas 25 ditësh: Kjo e keqe nuk kaloi

Ish deputeti i PS-së në Vlorë Fatmir Toçi u infektua me koronavirus, por pas 25 ditësh ai ka bërë testin dhe fatmirësisht ka rezultuar negativ, i shëruar nga koronavirusi. Megjithatë siç bën me dije vetë ish deputeti, virusin nuk e ka në trup por e ka lënë me një goditje në mushkëri. Për tu kuruar ai do të qëndrojë edhe për pak kohë nën kujdesin e mjekëve të Spitalit Covid2 Shefqet Ndroqi. Toçi ka postuar një sttus në Facebook ku tregon gjendjen e tij dhe shpreh mirënjohjen për stafin mjekësor.

Postimin e plotë e lexoni si më poshtë:

NEGATIV

Pas 25 ditësh nga testimi i tamponit të parë, dje u krye testimi i tamponit të dytë, i cili rezultoi NEGATIV?

Ky është një lajm i gëzueshëm, entuziast e shpresëdhënës, tashmë nuk ka më virus Covid-19 në trupin tim, edhe pse kjo e keqe nuk kaloi pa dhënë një goditje në mushkëri, të cilën e ka prekur pjesërisht, duke më detyruar të mbetem edhe për ca kohë nën kujdesin e jashtëzakonshëm të mjekëve dhe specialistëve të Spitalit Universitar "Shefqet Ndroqi" në Sauk të Tiranës, ku organizon e drejton me dorë të hekurt prof. Perlat Kapisyzi me stafin e tij të mrekullueshëm.

Dua të mendoj, dhe besoj, që edhe në qendrat e tjera spitalore, të cilat janë angazhuar në luftën anticovid është i njëjti impenjim dhe të njëjtat rezultate.

Nuk gjenden fjalët për të shprehur mirënjohjen dhe falënderimet për këta heronj të kohës sonë, që i janë përkushtuar me profesionalizëm dhe humanizëm jetës së të tjerëve, duke harruar shpesh edhe veten e tyre. Me ato që kam parë e shoh çdo ditë këtu, fjalët janë të varfra dhe nuk mund të shprehin as të njëmijtën e angazhimit njërëzor dhe të shpirtit të tyre fisnik, për t'ju shërbyer dhe për t'i shpëtuar jetët njerëzore.

Me përulësi përpara tyre, që mu gjenden në ditët më të vështira të jetës sime dhe po më rikthejnë në jetë!???