Jep dorëheqjen kreu i Policisë së shteti, Muhamet Rrumbullaku
E Premte 6 Shtator 2024, 08:55
TiranaPost
Ka dhënë dorëheqjen kreu i Policisë së shtetit Muhamet Rrumbullaku.
Rrumbullaku e mbante këtë detyrë prej dy vitesh.
Aktualisht, detyrat e tij i janë deleguar zv.drejtorit Sokol Bizhga deri në përfundimin e garës për të zgjedhur kreun e ri të Policisë së Shtetit.
Ndërkaq, ministri i ri i Brendshëm, Ervin Hoxha do të mbledhë sot në orën 10:00 të gjithë drejtorët e policisë së qarqeve, drejtorin e përgjithshëm të Policisë së Shtetit si edhe drejtorët e departamenteve. Në mbledhje pritet të jetë edhe Rrumbullaku, ndonëse tashmë e ka dorëzuar dorëheqjen.
Në këtë mbledhje pritet të diskutohet ligji i ri i policisë, kryesisht për procedurën e përzgjedhjes së kreut, drejtorëve vendorë. Këto pozicione, sipas ligjit të ri, do të përzgjidhen me komisione.
Muhamet Rrumbullaku u emërua në krye të Policisë së Shtetit më 7 shtator 2022, pas shkarkimit të Gledis Nanos.
