Aktualitet

Katër pacientë me Covid ndërrojnë jetë tek Infektivi, 83 raste të reja

Katër pacientë me Covid ndërrojnë jetë tek Infektivi,

Katër persona me Covid kanë ndërruar jetën gjatë 24 orëve të fundit dhe janë regjistruar 83 raste të reja. Dy prej tyre 56-vjeçarë, nga Shkodra dhe Dibra, një pacient 76-vjeçar nga Durrësi dhe një 81-vjeçare nga Tirana. Ndërsa nuk dihet nëse kanë pasur edhe sëmundje të tjera bashkëshoqëruese.

"Situata në spitalin infektiv vijon të paraqitet e rënduar. Në 24 orët e fundit ka shtim të pacientëve edhe të moshave të reja. Aktualisht janë të shtruar 72 pacientë në spital, 8 pacientë janë në terapi intensive në gjendje serioze dhe 4 prej tyre janë të intubuar në gjendje të rënde", njoftoi Dr. Marjeta Dervishi nga Instituti i Shëndetit Publik. 

Shpërndarja gjeografike e rasteve është: 38 raste në Tiranë, 12 në Berat, 6 në Durrës, nga 4 raste në Shkodër, Elbasan, Vlorë, 3 raste në Krujë dhe Kukës, 2 raste në Urën Vajgurore dhe Përmet, nga 1 rast në Lezhë, Mirditë, Gjirokastër, Bulqizë, Himarë.

Në 24 orët e fundit janë shëruar 65 qytetarë, duke e çuar në 1946 numrin e të shëruarve që nga fillimi i epidemisë. Në vendin tonë aktualisht janë 1415 persona aktivë me COVID19, kryesisht në Tiranë, Shkodër, Krujë, Durrës.

COVID-19 – Statistika (12 Korrik 2020)
Testime totale 32353
Raste pozitive 3454
Raste të shëruara 1946
Raste Aktive 1415
Humbje jete 93 (Qarku Tiranë 48, Durrës 15, Fier 5, Vlorë 2, Shkodër 15, Kukës 1, Elbasan 4, Lezhë 1, Berat 1, Dibër 1)


Shpërndarja gjeografike e rasteve aktive sipas qarqeve:
Tiranë 591
Durrës 223
Shkodër 180
Vlorë 113
Lezhë 63
Fier 29
Kukës 43
Korçë 32
Elbasan 36
Berat 39
Gjirokastër 25
Dibër 18