Korça, Dibra, Kukësi mbulohen nga bora. Si paraqitet situata me rrugët dhe energjinë elektrike
E Premte 3 Shkurt 2023, 09:45
TiranaPost
Dëbora ka mbuluar qytetet veriore dhe juglindjen e vendit. Si paraqitet situata në tre qarqet problematike: Korçë, Dibër, Kukës?
Korçë- Gjatë natës Korça është përfshirë nga reshjet e dëborës të cilat janë shoqëruar me erë të fortë. Dero tani nuk raportohet për akse të bllokuara. Në zonën e Dardhës dhe të Qarrit kalimi me automjete bëhet vetëm me zinxhirë.
Trashësia e dëborës në rrugë arrin deri në 25 cm.
Ndërkohë rreth 300 familje kanë mbetur pa energji elektrike si pasojë e reshjeve të dëborës dhe ekipet e OSHEE-së kanë vështirësi për të ndërhyrë për shkak të kushteve të motit.
Kukës- Dëbora ka arritur në trashësinë 5 cm. Rrugët nacionale dhe ato që lidhen me zonat rurale janë të kalueshme. Deri tani nuk ka pasur probleme me energjinë elektrike.
Dibër- Në rrugën e Arbrit, raportohet prani e ngricave gjë që ka sjellë vështirësi në qarkullimin e mjeteve. Ka nisur kriposja e rrugës.
