Aktualitet

Më shisni biznesin! UFSH reagon për email-in misterioz në adresë të farmacive

Më shisni biznesin! UFSH reagon për email-in misterioz në

Një email ka mbërritur prej ditësh në adresën e disa prej farmacive në Shqipëri, të cilëve u kërkohet që të shesin biznesin. Personi hiqet si një investitor i madh.

Lajmi u raportua përmes një deklaratë zyrtare nga Urdhri i Farmacistëve të Shqipërisë, të cilët thonë se personi në fjalë disponon të dhëna personale të cilat i ka marrë në mënyrë të paligjshme dhe se bëhet fjalë për një mashtrim.

“Në mungesë të informacionit se cili biznes apo interes konkret, qëndron pas këtij propozimi, në interes të moscënimit të ivestimit professional dhe financiar të jetës suaj, lutemi të injoroni e mos bini viktimë e çdo biznesmeni sharlatan, që me paratë e fituara legalisht apo në mënyra të dyshimta (verifikimi i të cilave është detyrë e organeve të ngritura me ligj) kërkojnë t’ju nxjerrë jashtë jashtë sistemit”, thuhet ndër të tjerash në njoftim.

Njoftimi i UFSH:

Të nderuar kolegë, Ditët e fundit pranë UFSH janë adresuar informacione mbi nje e-mail që ju është dërguar nga një individ, që pretendon se është një investitor i madh, dhe kërkon që t’i shisni farmacitë, madje e proklamon kërkesën e tij si një nder që ju bëhet.

Për më keq, personi në fjalë disponon në mënyrë të paligjshme, të dhëna personale burim i të cilave mund të jenë vetëm institucione shtetërore që e kanë për detyrë me ligj t’i ruajnë ato. Ky fakt lë shkas për dyshime, se ky biznesmen apo shumë të tjerë që së fundmi po tentojnë të gllabërojnë profesionin dhe biznesin farmaceutik, kanë mbështetje nga individë me funksione të rëndësishme shtetërore.

Në mungesë të informacionit se cili biznes apo interes konkret, qëndron pas këtij propozimi, në interes të moscënimit të ivestimit professional dhe financiar të jetës suaj, lutemi të injoroni e mos bini viktimë e çdo biznesmeni sharlatan, që me paratë e fituara legalisht apo në mënyra të dyshimta (verifikimi i të cilave është detyrë e organeve të ngritura me ligj) kërkojnë t’ju nxjerrë jashtë jashtë sistemit.

Në kushtet kur në vend operojnë një numër shumë i madh farmacish, dhe fitimi në farmaci është reduktuar ndjeshëm, është e çuditshme dhe “e pashpjegueshme”, se pse këta investitorë kaq të mëdhenj zgjedhin pikërisht këtë biznes për të rrezikuar paratë e tyre.

Siç ju kemi bërë me dije, Urdhri i Farmacistëve, i ka kërkuar institucioneve përgjegjegjëse, pezullimin e hapjes së farmacive të reja, deri në rishikimin e Legjislacionit, ku të vendosen kritere për hapjen e tyre (dendësia, distanca, pronar i farmacisë të jetë vetëm farmacisti, etj). Ju urojmë punë të mbarë!