Ministri Lleshaj nga foltorja e Kuvendit: Nëse makina ime kushton mbi 49 mijë euro, jap dorëheqjen!
Vlera e automjetit të Sandër Lleshajt ka hapur debate mes deputetëve dhe mediave prej një jave, ndërsa ministri i Brendshëm u shpreh sot nga fltorja e Kuvendit se është i gatshëm të japë dorëheqjen nëse vërtetohet se nuk ka kushtuar 49 mijë euro, por më shumë.
Në kundërshtim të deklaratës së deputetit Andi Përmeti, Lleshaj tha se ai ka vetëm një makinë tip "Honda" të vitit 2010. Ndërkohë që sfidoi deputetin që të dorëhiqet nëse akuzat e tij, se mjeti kushton 100 mijë euro, nuk dalin të vërteta.
“Mjeti i blerë për llogari të Ministrisë së Brendshme, nuk ka kushtuar 150 mijë euro apo 100 milionë euro, por vetëm 49 mijë euro.
Ju sfidoj të thoni kaq: Nëse ai mjet nuk ka kushtuar 49 mijë euro, unë jap dorëheqjen. Nëse nuk ka kushtuar 100 mijë euro atëherë jepni dorëheqjen ju, edhe pse ju e keni dhënë dorëheqjen (i drejtohet deputetëve të opozitës Halit Valteri e Andi Përmeti)”, tha ministri Lleshaj.
Prej një jave ministri ka paralajmëruar se do të lërë postin drejtues në përfundim të mandatit.