Mjekja Najada Çomo sqaron shqetësimin e familjarëve të pacientëve me Covid: Shpesh refuzojnë të flasin me celularë se sëmundja i lodh!
Një nga shqetësimet e qytetarëve për të afërmit e tyre të shtruar në spitalet Covid ka qenë pamundësia për të komunikuar me ta rregullisht. Lidhur me këtë, mjekja e njohur e Infektivit, Najada Çomo, sqaroi se pacientëve u lejohet gjithmonë që ta mbajnë celularin e tyre, por shpesh janë ata që e kanë të pamundur të komunikojnë.
Në një takim me disa prej familjarëve, Çomo iu përgjigj shqetësimit të vajzës së një prej të pacientëve, e cila ka të shtruar tek Infektivi të atin.
“Ata që janë të sëmuren, lodhen për shkak të oksigjenit. Dhe shpesh babai refuzon të flasë, jo se ka probleme psikologjike, por se është i sëmurë. Me ne komunikon normalisht, ndërsa me familjarët shpesh refuzon, pasi sëmudnja i rëndon”, tha mjekja.
Nga sot ministrja e Shëndetësisë, Ogerta Manastirliu tha se do të vendoset një numër komunikimi dhe tableta, përmes të cilave pacientët mund të komunikojnë vizualisht me familjarët.