Aktualitet

Mjetet e tonazhit të rëndë do lejohen të lëvizin në Korrik dhe Gusht gjatë fundjavës në Tiranë

Mjetet e tonazhit të rëndë do lejohen të lëvizin

Gjatë verës mjetet e tonazhit të rëndë do të lejohen gjatë fundjavës. Lajmin e ka dhënë kryebashkiaku Erion Veliaj gjatë mbledhjes së Këshillit Bashkiak.

“Kemi vendosur që për periudhën e verës, duke filluar nga dita e premte pasdite deri të hënën në mëngjes, kur njerëzit janë pushim dhe mund të shkojnë në plazh, të lejojmë lëvizjen e mjeteve të tonazhit të rëndë. Kjo sepse kemi shumë kantiere të hapura, të cilat na duhet t’I mbyllim. Në shtator do të hapim 12 shkolla të reja dhe duhet të kapim afatin. Po ashtu, kemi 10 pallate në ndërtim në Kombinat, si dhe një pafundësi objektesh me interes public, siç është Maternitetit i Tiranës. Edhe te “5 Maji” do nisë ndërtimi i pjesës tjetër të Unazës, nga Lapraka në drejtim të Paskuqanit, prandaj për sa kohë që në këto dy muaj Tirana ka fluks më të vogël prej pushimeve, morëm këtë vendim”, u shpreh Veliaj.

Sipas urdhërit të fundit, duke nisur nga kjo e premte, nga ora 18:00, mjetet e tonazhit të rëndë do të lejohen të lëvizin deri të hënën, në orën 07:00 të mëngjesit.

Në shtator, me fillimin e vitit të ri shkollor, lëvizja e tyre do të kufizohet sërish.