Aktualitet

Moti me shi shtyn për nesër punimet në autostradën Tiranë-Durrës: Sot e lirë për lëvizjen

Moti me shi shtyn për nesër punimet në autostradën

Punimet për riparimin e asfaltit në autostradën Tiranë-Durrës janë shtyrë për ditën e nesërme, për shkak të motit me reshje shiu. Autoriteti Rrugor Shqiptar njofton se vijimësia e punimeve do të jetë në varësi të motit, dhe nesër do të fillojë ndërhyrja.

Për shtyrjen me një ditë të punimeve, ARRSH njofton se autostrada sot është e lirë për të gjitha kalimet e automjeteve, ndërsa bëhet me dije se nga nesër qarkullimi i mjeteve do realizohet në një korsi të Autostradës Tiranë–Durrës: Dhe gjatë peridhës kohore që do të realizohen punimet, mjetet udhëzohen të përdorin edhe kalime te tjera në rrugën dytësore, që nga Mbikalimi Kamëz, degëzimi për QTU etj.

Njoftimi i plotë:
Punime për riparimin e shtresave asfaltike në autostradën “TIRANË–DURRËS, SEGMENTI QAFË KASHAR–URA E DAJLANIT”.

Në vijim të njoftimit të mëparëshëm, Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se për shkak të reshjeve të shiut punimet për riparimin e shtresave asfaltike në aksin “Autostrada Tiranë–Durrës, segmenti Qafë Kashar–Ura e Dajlanit” të parashikuara për të filluar në datë 7 prill 2021, do të shtyhen për ditën e nesërme datë 08 prill 2021.

Vijimësia e punimeve do të jetë në varësi të kushteve të motit.

Ndërkohë, autostrada Tiranë-Durrës do të jetë e lirë për qarkullimin e mjeteve.

Sqarojmë se sipas Planit të Menaxhimit të Trafikut të rishikuar, qarkullimi i mjeteve do të realizohet në një korsi të Autostradës Tiranë–Durrës dhe gjatë peridhës kohore, që do të realizohen punimet, mjetet udhëzohen të përdorin edhe kalime te tjera në rrugën dytësore, që nga Mbikalimi Kamëz, degëzimi për QTU etj.
Punonjësit e Autoritetit Rrugor Shqiptar, Policisë së Qarkullimit Rrugor dhe kompanisë së mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar.

Faleminderit për mirëkuptimin dhe bashkëpunimin tuaj!

Moti me shi shtyn për nesër punimet në autostradën

Skema si do devijojnë lëvizjet në linkun më poshtë.

Moti me shi shtyn për nesër punimet në autostradën

Moti me shi shtyn për nesër punimet në autostradën

*Tiranapost.al.