Nëna u vetëflijua me tre fëmijët në Shkodër, Policia: Në trupin e 9-vjeçares nuk ka shenja dhune
E Diel 5 Maj 2024, 15:40
TiranaPost
Policia ka njoftuar se nga këqyrja paraprake e trupit të 9-vjeçares e cila u gjet e pajetë në lumin Buna, në prani të ekspertit mjeko-ligjor, nuk janë konstatuar shenja dhune.
E mitura dyshohet se u vetëmbyt së bashku me të ëmën, Alma Arrazin, motrën e saj 8-vjeçare dhe vëllain 2-vjeçar. Këta të fundit nuk janë gjetur ende ndërsa kërkimet nga polumbarët vazhdojnë.
Erdgys Arrazi në deklaratën oara policëve ka thënë se ka patur një marrëdhënie normale me bashkëshorten dhe fëmijët duke shtuar se nuk e kam idenë përse bashkëshortja ka ndërmarrë këtë veprim.
"Në lidhje me informacionin e dhënë më parë, për gjetjen në ujërat e lumit Buna, të trupit të pajetë të 9-vjeçares, ju informojmë se nga këqyrja paraprake e trupit të të miturës, në prani të ekspertit mjeko-ligjor, nuk janë konstatuar shenja dhune. Policia e Shkodrës, në drejtimin e Prokurorisë së Shkodrës, po vijon punen për zbardhjen dhe dokumentimin e rrethanave të këtij rasti", njofton policia.
