Nis protesta për Jonadën! Kërkohen dorëheqjet e Çuçit, Kumbaros dhe Gledis Nanos
E Enjte 4 Gusht 2022, 19:30
TiranaPost
Ka nisur protesta para Ministrisë së Brendshme pas tragjedisë së ndodhur në plazhin e Potamit në Himarë, ku 7-vjeçarja Jonada Avdia, u përplas për vdekje nga një skaf që drejtohej nga Arjan Tase, i cili ishte oficer policie.
Qytetarët kërkojnë drejtësi, masa më të forta dhe dorëheqjen e Ministrit të Brendshëm, Bledi Çuçi, Ministres së Turizmit, Mirela Kumbaro, dhe Drejtorit të përgjithshëm të Policisë së Shtetit, Gledis Nano.
Pjesë e protestës është bërë edhe opozita, mbështetësit e Sali Berishës dhe Partia e Lirisë.
Tase u përjashtua nga rradhët e policisë nga Drejtori i Përgjithshëm, Gledis Nano.
Protestuesit teksa po përpiqeshin të zhvendoseshin nga pedonalja Murat Toptani përpara oborrit të Ministrisë së Brendshme kanë patur edhe një përplasje me policinë.
20:13
Protesta është zhvendosur para kryeministrisë. Ilir Meta dhe Sali Berisha i janë bashkuar protestës. Protestuesit kanë mbajtur një minutë heshtje në nder të vogëlushes së ndjerë dhe kanë ndezur qirinj në shkallët e Kryeministrisë. Nuk kanë munguar përplasjet me policinë.
20:31
Protestuesit janë zhvendosur drejt Presidencës.
