Aktualitet

Pasuria ngel në Vetting zv.drejtorin për Sigurinë Fizike të Personaliteteve të Larta Shtetërore

Pasuria ngel në Vetting zv.drejtorin për Sigurinë Fizike të

Ka ngecur në Vetting, zv drejtori për Sigurinë Fizike të PLSH-ve besim Shabani. Ai është zv drejtori për Sigurinë Fizike të Personaliteteve të Larta Shtetërore.

Në seancën dëgjimore, zv drejtorit i janë konstatuar probleme me pasurinë, lidhur me justifikimin e një shume prej 20 mijë dollarësh, për të cilat Shabani tha se ia kishte dërguar i vëllai nga Amerika. Këtë shumë sipas Komisionit të Jashtëm të Vlerësimit ai e ka përdorur për të blerë një shtëpi.

Megjithatë, pretendohet se ai nuk ka provuar ligjerisht ndihmën monetare të vëllait të tij. Gjithashtu në seancë u diskutua për mosdeklarimin e Shabanit të disa përfitimeve në interesa bankare: Sipas KJV-së ai ka përfituar disa interesa bankare në vlerën e 1563 dollarësh, të cilat nuk i ka deklaruar.

Në dy kriteret e tjera, të pastërtisë së figurës dhe aftësisë profesionale Besim Shabani ka marrë vlerësimin.