Politikanët në Shqipëri duhet të vaksinohen të fundit fare. Por pse kryeministri e bëri i pari prej tyre?
E Martë 2 Mars 2021, 14:00
TiranaPost
'Unë mendoj se politikanët në Shqipëri duhet të vaksinohen të fundit fare'. Këtë deklaroi kryeministri Rama në konferencën me gazetarët kur u pyet nëse ka një skemë për ta, ndoshta duke përjashtuar në opinionin e tij ata politikanë që mund të vuajnë nga probleme shëndetësore dhe e kanë të nevojshme vaksinimin për tu mbrojtur. Megjithatë Rama tha se deri më tani në vendet e tjera nuk ka dalë ende një skemë vaksinimi për politikanët dhe kur të dalë do merret në vlerësim.
Kryeministri Rama ishte i dyti që u vaksinua por kjo sipas tij, jo pa shkak:
'Unë jam vaksinuar sepse kam bërë të njëjtën gjë që kanë bërë kolegët e mi. Nuk është për të siguruar veten por për të promovuar vaksinimin, kur në vende të tjera të dali ndonjë skemë për vaksinimin e politikanëve do e konspirojmë,por unë mendoj se politikanët në Shqipëri duhet të vaksinohen të fundit fare, kaq e thjeshtë është'.
*Tiranapost.al.
