Aktualitet

Puna për Teatrin e ri Kombëtar nis brenda këtij viti

Puna për Teatrin e ri Kombëtar nis brenda këtij viti
Foto nga projekti i Teatrit

Kryetari i Bashkisë së Tiranës, Erion Veliaj ka deklaruar se së shpejti pritet vendimi i Qeverisë, i cili do i hapë rrugë ndërtimit të teatrit të ri kombëtar. Gjatë një interviste për News 24, Veliaj tha se do të veprohet njëlloj si me shkollat, të cilat ndërtohen nga Bashkia e Tiranës, por administrohen më pas nga Ministria e Arsimit, ndërsa në rastin e Teatrit do të jetë Ministria e Kulturës.

Puna për Teatrin e ri Kombëtar nis brenda këtij viti

Puna për Teatrin e ri Kombëtar nis brenda këtij viti

“Ne do kemi shumë shpejt një vendimmarrje të Këshillit të Ministrave për të operuar për ndërtimin e teatrit. Ashtu siç Bashkia e Tiranës bën për çdo shkollë me Ministrinë e Arsimit, do bëjmë diçka të ngjashme me Ministrinë e Kulturës. Bashkia ndërton, se ka specialitet ndërtimin fizik të ambienteve, kurse Ministria ka përmbajtjen, shfaqjet teatrore,” u shpreh Veliaj.

Ai konfirmoi se ndërtimi i Teatrit do të nisë brenda pak muajsh. “Do marrë aq kohë sa zgjat procedura e garës, por brenda këtij viti patjetër,” tha kryetari i Bashkisë.

Puna për Teatrin e ri Kombëtar nis brenda këtij viti

*Tiranapost.al