Aktualitet

Qëllonin me armë duke trembur banorët: 5 të arrestuar në Berat, mes tyre një vajzë

Qëllonin me armë duke trembur banorët: 5 të arrestuar

Pesë persona në qytetin e Beratit kanë përfunduar në prangat e policisë pasi kanë qëlluar me armë duke krijuar panic dhe frikë tek banorët.  Policia bën me dije se i ka mbajtur nën vezhgim personat, ku mes tyre është nëj vajzë që akuzohet për thyrrje të arrestit në shtëpi.

 Gjatë kontrolit nëpër banesa, janë gjetur edhe fara kanabisi, tre armë zjarri, lëndë narkotike, një makinë të vjedhur, municion luftarakt, dhe një makinë të tipit fuoristradë me të cilin qarkullonin personat e arrestuar.

Më poshtë keni njoftimin e plotë nga Policia:

Specialistët e Seksionit për Hetimin e Trafikut të Paligjshëm dhe Narkotikëve në Drejtorinë Vendore Berat, në bashkëpunim me Komisariatin e Policisë Skrapar, pas njoftimit të marrë nga banorët e zonës se në afërsi të fshatit Panarit, Skrapar, po qëllohej me armë zjarri në orët e vona të mbrëmjes, menjëherë organizuan punën, duke zhvilluar dhe finalizuar operacionin policor të koduar “Panariti”.

Për shkak të errësirës dhe sigurisë së jetës të punonjësve të Policisë, gjatë natës është rrethuar zona dhe janë mbajtur në vëzhgim me dylbi nate, 5 personat që herë pas here qëllonin me armë zjarri në ajër.

Me rënien e ndriçimit, shërbimet e Policisë janë afruar dhe u kanë bërë thirrje të mos bënin asnjë veprim, por t’i bindeshin urdhrit të Policisë.

Personat, kur kanë parë shërbimet e Policisë, kanë tentuar të largohen me vrap duke hedhur armët e zjarrit në një zonë të pyllëzuar, por janë kapur gjatë ndjekjes nga Policia.

Në përfundim të veprimeve u bë arrestimi në flagrancë, për veprat penale “Prodhimi dhe shitja e narkotikëve”, “Trafikim i mjeteve motorike” “Armëmbajtja pa leje”, “Prishja e qetësisë publike”, “Largimi i të burgosurit nga vendi i qëndrimit” dhe “Moskallëzimi i krimit”, i shtetasve:

, (Soni Daja), Ahmet Saraçi, Florian(Aurel) Mihaj(Xhindi), Roada Dollani, 25 vjeç, banuese në Berat, e cila ka qenë me masë sigurie “Arrest në shtëpi”, për veprën penale “Prodhimi dhe shitja e lëndëve narkotike” kryer në bashkëpunim;

Daniel (Erjon) Daja, 42 vjeç, i dënuar më parë për veprën penale “Prodhimi dhe shitja e lëndëve narkotikëve”, Mateo Shkurta alias Aldo Daja alias Soni Daja, 35 vjeç, Ahmet Saraçi, 43 vjeç dhe Florian (Aurel) Mihaj (Xhindi), 33 vjeç, banues në Berat;

Gjatë kontrollit fizik dhe në banesat e tyre, Policia gjeti dhe sekuestroi një motomjet të dyshuar të vjedhur, i trafikuar nga vendet e BE-së, një sasi të vogël lënde narkotike, një sasi prej 1.636 farash të dyshuara cannabis sativa, tri armë zjarri kallashnikov, fishekë luftarak dhe një automjet fuoristradë me të cilën lëviznin autorët.

Materialet proceduriale do t’i kalojnë për ndjekje të mëtejshme, Prokurorisë pranë Gjykatës së Shkallës së Parë Berat.