Rama replika me moderatorin e panelit në Pragë: Po ftuat ballkanas këtu, zgjasni kohën! Mos u gjermanizo
E Shtunë 31 Gusht 2024, 14:59
TiranaPost
Kryeministri Edi Rama është përfshirë në një debat ne gazetarin Ali Aslan, i cili moderonte panelin në Forumin e Sigurisë në Pragë.
Teksa kryeministri Rama po fliste mbi mënyrën se si duhet të sillet Bashkimi Europian me vendet që janë në proces anëtarësimi, gazetari Ali Aslan i kujtoi se koha kishte përfunduar dhe ai duhet ta mbyllte diskutimin.
Rama iu drejtua gazetarit duke i thënë se nëse një ballkanas ftohet për të diskutuar, koha duhet të zgjatet.
Rama: Më duhet të them të njëjtën gjë që them gjithmonë, nëse ftoni njerëz nga Ballkani, duhet të zgjasni kohën. Në qoftë se doni memo, sillni nordikët, vendosuni 5 minuta, u japin memon dhe kthehen të akulli. Ne kur vijmë, ulemi, duam të diskutojmë, të argëtohemi. Sillni kafen turke, të shohim edhe të ardhmen te filxhani.
Aslan: Kryeministër…
Rama: Jeni gjermanizuar shumë miku im.
Aslan: Nuk mendon se është e gabuar kjo.
Rama: Të jesh shumë i gjermanizuar nuk është e gabuar? Është shumë e gabuar.
Aslan: Nuk mendoj se është gabim. Është koha të flasim për futbollin. Mendoj se është afërmendsh se sa herë ke kryeministrin Rama në skenë, gjithmonë kalojmë një kohë mjaft të këndshme. Është një kombinim i përsosur i përmbajtjes dhe argëtimit. Besojeni ose jo, kisha edhe më shumë pyetje.
Rama: Ku po shkon, çfarë do bësh?
Aslan: Jam këtu, kjo është mënyra ime për t’u thënë që seanca po përmbyllet. Është mënyra ime e thjeshtë, diplomatike që kjo seancë po mbyllet.
