Rrjedhje gazi në një shkollë në Don Bosko, evakuohen nxënësit, 6 prej tyre dërgohen në spital
E Mërkurë 20 Janar 2021, 10:39
TiranaPost
Gjashtë nxënës të një shkollë jopublike në "Don Bosko" janë dërguar në spital për ndihmë mjekësore dhe të tjerët janë evakuuar. Shkak është bërë rrjedhja e gazit në sistemin e ngrohjes.
Sipas njoftimit të policisë në vendngjarje kanë mbërritur shërbimet e uniformave blu dhe po punojnë për normalizimin e situatës.
“Më datë 20.01.2021, rreth orës 09:30, në një shkollë në rrugën “Don Bosko”, si pasojë e një rrjedhje gazi në sistemin e ngrohjes, është bërë evakuimi i të gjithë nxënësve të shkollës.
Gjithashtu janë dërguar në spital, gjashtë prej nxënësve ku po ju jepet ndihma mjekësore, pa probleme për jetën. Në vendngjarje ndodhen shërbimet e policisë, të cilët po punojnë për normalizimin e situatës”, njofton policia.