Sanatoriumi do të kthehet për herë të dytë në spital Covid
E Diel 12 Korrik 2020, 15:13
TiranaPost
Për herë të dytë “Shefqet Ndroqi” do të kthehet në Spital Covid 2, për shkak të numrit të pacienteve të shtruar tek Infektivi. Përgatitjet do të nisin nga dita e nesërme sipas mediave, ndërsa vendimi nuk është zyrtarizuar edhe nga Ministria e Shëndetësisë.
Pacientët që janë tek “Shefqet Ndroqi” mendohet se do të transportohen tek ish-ambientet e kirurgjisë në QSUT, i planifikuar për skenarin e COVID-3.
Sanatoriumi u kthye në COVID 2, por nuk u vu në funksion plotësisht, pasi kapaciteti i numrit të të prekurve me Covid plotësohej nga Infektivi.
Aktualisht tek Infektivi janë të shtruar 72 pacientë, 8 janë në terapi intensive në gjendje serioze dhe 4 prej tyre janë të intubuar në gjendje të rëndë. Infektivi ka një kapacitet prej 120 shtretërish.