Aktualitet

Shkarkohet nga Vettingu gjyqtarja e Elbasanit, Enkeleda Kapedani, që postonte video në Tik-tok nga zyra

Shkarkohet nga Vettingu gjyqtarja e Elbasanit, Enkeleda Kapedani, që

Gjyqtarja e Elbasanit, Enkeleda Kapedani është shkarkuar nga Komisioni i Pavarur i Kualifikimit. Vendimi për shkarkimin e saj u mor në unimanitet nga trupa e KPK dhe mediat raportojnë se Kapedani ka dalë me probleme në të tria kriteret e vlerësimit: probleme me pasurinë, figurën dhe përgatitjen profesionale

Gjatë seancës u mësua se bashkëjetuesi i saj ishte shpallur më parë në kërkim policor, pasi dyshohej se kishte qëlluar me armë në ajër pas një konflikti pronësie.

Para vendimit, Kapedani ishte pezulluar për 6 muaj nga KLGJ, pas videove në Tik-Tok ku sfidonte me veshje të shtrenjta në ambientet e Gjykatës së Elbasanit. Gjatë seancës në KLGJ, Kapedani dha dorëheqjen si nënkryetare e Gjykatës.