Temperaturat deri në 40 gradë, AKMC apel qytetarëve: Raportoni këtu për zjarret
E Premte 12 Korrik 2024, 16:40
TiranaPost
Ditët e fundit i nxehti ka pushtuar vendin tonë, por edhe Europën. Sipas parashikimeve meteorologjike, temperaturat do të arrijnë deri në 40 gradë celsius, çka krijon kushte të favorshme për zjarre në pyje e zona rurale.
Agjencia Kombëtare e Mbrojtjes civile u bën thirrje qytetarëve se nëse shohin zjarr apo tym, të lajmërojnë menjëherë në numrin e Shërbimit Zjarrfikës, 128 ose 112.
Agjencia Kombëtare e Mbrojtjes Civile
Kujdes nga Temperaturat të Larta në Ditët e Ardhshme.
Bazuar situatës së krijuar nga zjarret në pyje, nisur nga parashikimi në buletinin e Emergency Response Coordination Centre (ERCC) në Bruksel, si dhe institucionet shqiptare si IGJEO, Shërbimi Meteorologjik Ushtarak, etj., Agjencia Kombëtare e Mbrojtjes Civile njofton qytetarët dhe institucionet për rrezikun e temperaturave të larta në ditët në vijim, të tregojnë kujdes të shtuar për të parandaluar incidente që mund të dëmtojnë jetën dhe pronën.
Sipas parashikimeve meteorologjike, temperaturat do të arrijnë deri në 40°C, çka krijon kushte të favorshme për zjarret në pyje dhe zona rurale.
Raportoni Çdo Incident
Nëse vini re tym apo zjarr, raportojeni menjëherë te shërbimi i zjarrfikësve në numrin 128 ose 112.
Zbatimi i këtyre masave është i domosdoshëm për të mbrojtur jetën, pronën dhe ambientin. Bashkëpunimi i çdo qytetari është i rëndësishëm për të siguruar një sezon veror të sigurt dhe të qetë.
