Aktualitet

Tre kategoritë e studentëve që përfitojnë bursë

Tre kategoritë e studentëve që përfitojnë

Ministrja e Arsimit Evis Kushi në një konferencë për mediat ka bërë të ditur 3 kategoritë e studentëve që do përfitojnë bursë studimi. Bëhet fjalë për studentët që kanë mesatare me të gjitha 10, studentët që kanë marrë një nga tre çmimet e para në olimpiadat ndërkombëtare dhe studentët që kanë zgjedhur të studiojnë në programet prioritare. Afati përfundimtar i aplikimit është deri në fund të Janarit. Përveç bursës studentët do të kenë edhe përjashtim nga tarifat.

"I bëj thirrje studenteve që të aplikojnë për bursa studimi. Është fjala për bursat e studimet që janë të barasvlershme me pagën minimale dhe janë parashikuar për ata studentë që plotësojnë 3 kritere kryesore. Studentët që kanë mbaruar me të gjitha 10 dhe kanë marrë minimumi 9.5 në provimet e maturës, në secilin prej provimeve. Përfitojnë ata që pavarësisht mesatares kanë marrë një nga tre çmimet e para në olimpiadat ndërkombëtare. Po kështu ajo që është më e rëndësishme ata studente që kanë zgjedhur të studiojnë në programet prioritare dhe me mesatare mbi 8.5. Pra ata që janë regjistruar për programet e mësuesisë, bujqësisë apo edhe turizmit. Do t'i ftoja studentët të përfitojnë këto bursa dhe përjashtim nga tarifat. Thirrja është e hapur deri në fund të janarit. Deri në 15 janar studentët marrin numrin e matrikulimit”, theksoi Kushi.