Vetëdorëzohet në polici Marjus Dema, vrau shokun mbrëmë në lokalin në Tiranë
Është vetëdorëzuar në polici Marjus Dema, autori i vrasjes së 27 vjeçarit Mehmet Qema. Ngjarja e rëndë ndodhi mbrëmë në ambientet e jashtme të një lokali në Tiranë, pranë Rrugës 5 Maji.
Marjus Dema dhe Mehmet Qema ndodheshin në një tavolinë me disa persona të tjerë. Pas një debati mes tyre Marjus Dema ka nxjerrë armën dhe e ka qëlluar. Për shkak të plagëve ai ndërroi jetë pasi u dërgua në spital.
Mësohet se bashkë me Marjus Demën është vetëdorëzuar edhe Frenkli Myftari, i cili gjithashtu ndodhej në lokal me shokët e tjerë.
Në lidhje me ngjarjen policia ka shoqëruar disa persona, ku shumica janë miq të tyre të cilët ishin të pranishëm në ngjarje.
Pritet që dëshmitë e tyre dhe nga pamjet e kamerave të sigurisë të bizneseve përreth, ngjarja të zbardhet e plotë.
Njoftimi i policisë:
Në vijim të veprimeve për zbardhjen e ngjarjes së ndodhur mbremjen e djeshme në rrugën “5 Maj” Tiranë ku u vra me armë zjarri një 27-vjeçar, ju informojmë se:
Si rezultat i kontrolleve të shumta dhe pamundësisë për të qëndruar të fshehur dhe negociatave me familjarët dhe avokatëve janë vetëdorëzuar në Drejtorinë Vendore të Policisë Tiranë autori i dyshuar i ngjarjes shtetasi M. D., 28 vjeç si dhe një prej personave të shpallur në kërkim shtetasi F.M., 29 vjeç.
Grupi i posaçëm hetimor nën drejtimin e Prokurorisë po vijon punën për dokumentimin e plotë të kësaj ngjarje.
Materialet iu referuan Prokurorisë pranë Gjykatës së Shkallës së Pare Tiranë, për veprime te mëtejshme hetimore.
*Tiranapost.al.