Veton Surroi një urim nga bregdeti i Durrësit për Pavarësinë dhe boll të shohësh komentet e kupton sa i duan shqiptarët njerëzit si ai
E Shtunë 28 Nëntor 2020, 16:54
TiranaPost
Një ditë më parë një vendim qorr e i turpshëm ku i hiqte titullin “Qytetar Nderi” intelektualit Veton Surroi, bëri xhiron e portaleve. Incidenti u mbyll me një ndjesë të kryetarit të bashkisë Kukës, Safet Gjici. Ndërkohë që edhe vetë kryeministri Edi Rama reagoi i vendosur në pozitë për këtë akt të bërë nga njerëz të strukturave të tij.
Sigurisht Veton Surroi reagoi duke e quajtur gjyq politik dhe aspak të këndshëm atë që ndodhi.
Por, sot ka uruar me familjen e tij nga Durrësi dhe mjafton të shohësh komentet në “Facebook” dhe të kuptosh sa kemi nevojë në ditën e flamurit për njerëz me kulturë dhe sa kemi nevojë të shkëputemi nga gafat dhe njerëzit e indoktrinuar, ata që këtë vend e duan me tendera dhe jo me penë e punë.