Virusi futet tek Gjykata e Posaçme: Merret vendimi për mbylljen
E Premte 10 Korrik 2020, 13:00
TiranaPost
Një gjyqtar nga Gjykata e Posaçme është konfirmuar me koronavirus. Sipas mediave, ndër to News 24, është infektuar pikërisht kreu i Gjykatës së Posaçme, Sandër Simoni.
Për këtë arsye Gjykata është kyçur dhe pritet të bëhet dezinfektimi i ambienteve dhe të merren tamponë të personave me të cilët gjyqtari Simoni ka pasur kontakt.
3-4 javët e fundit ai ka qenë i pranishëm në disa seanca gjyqësore. Gjyqtari dyshohet se ka 5 ditë që është infektuar, ndërsa ka nisur hetimi epidemiologjik i kontakteve.
Gjykata e Posaçme dhe SPAK janë në të njëjtën godinë.
Gjykata e Posaçme që nga mesi i shpërthiimit të pandemisë ka vendosur tunelë dezinfektues dhe me masa mbrojtëse.