Aktualitet

Zjarr masiv në Dropull, vetëm 100 metra larg zonave të banuara

Zjarr masiv në Dropull, vetëm 100 metra larg zonave të banuara

Flakët po përparojnë në afërsi të banesave në tre fshatra të Dropullit. Zjarri vetëm 100 m larg zonës së banuar në fshatrat Lugar dhe Gorricë rrezikon edhe shtëpitë.

Zjarrfikësve të Dropullit u kanë ardhur në ndihmë dhe zjarrfikësit e Libohovës dhe Gjirokastrës që të ndihmuar nga banorë të fshatrave po punojnë për shuarjen e flakëve.

Por zjarri është i përmasave të mëdha dhe përhapja e tij edhe për shkak të erës e ka bërë të pamundur shuarjen me forcat tokësore.

Kryetari i Bashkisë së Dropullit, Dhimitër Toli, ka kërkuar nga Emergjencat Civile në Tiranë ndërhyrje nga ajri për shuarjen e zjarrit masiv, si dhe është kërkuar ndihmë edhe nga Greqia nga ku pritet mbërritja e helikopterit.