Aktualitet

'Mos iu sulni qeverisë. Strategjitë janë ndjekur me ekspertët më të mirë të OBSH-së'

'Mos iu sulni qeverisë. Strategjitë janë ndjekur me

I pranishëm në takimin që organizoi presidenti Meta, me mjekë për situatën e koronavirusit, zv. ministri i Shëndetësisë Alber Nikolla iu përgjigj akuzave të disa prej mjekëve lidhur me strategjinë që ka ndjekur qeveria në përballimin e situatës së pandemisë.

Duke iu përgjigjur Tritan Shehut dhe Petrit Vasilit, Nikolla u kërkoi të mos u sulen qeverisë por në vend të kësaj të kontribuojnë me idetë e tyre: Strategjitë janë ndjekur me ekspertët më të mirë të OBSH-së, tha ai.

Pjesë nga fjala e zv ministrit:  

U tha se mjeku i familjes duhet të ishte futur në skenë, është futur mjeku i familjes. Është përcaktuar terapia e fazës së parë dhe fazës së dytë, për të cilën do të bëhet edhe rimbursimi.

Janë punësuar 270 të rinj.

U fol për rritjen e numrave, është gati Covid-4 që ka 100 shtretër.

U tha që nuk keni strategji, është strategjia e futjes në lojë të spitaleve rajonale, por kjo do të bëhet me etapa.

Është një punë kolosale që është bërë. 

Falenderoj kolegët tuaj që janë ditë e natë aty me sytë e skuqur nga pagjumësia.

A jemi të përkryer, absolutisht jo. Por duhet dëgjuar më parë qeveria çfarë ka bërë mirë, çfarë keq, pastaj ekspertët na ndihmojnë.

U fol për çështjet e shtabeve, nuk ka më shtabe, është term stalinist, ka ekipe koordinuese.

Ne kemi nevojë për kritika pozitive, kritika ndërtuese, jo t’i sulemi qeverisë që po përballon një stres të madh.