Art dhe Kulturë

Përgatitjet e fundit për “Sunny Hill Festival” në Tiranë

Përgatitjet e fundit për “Sunny Hill Festival” në

Gjithçka gati për tre netë magjike të “Sunny Hill Festival” në Tiranë.

Në nisje të festivalit të shumëpritur, kryetari i Bashkisë së Tiranë, Erion Veliaj dhe organizatori Dukagjin Lipa, inspektuan detajet e fundit të përgatitjeve së një prej festivaleve më të mëdhenj që janë zhvilluar ndonjëherë në vendin tonë, i cili zgjat tre ditë.

Përgatitjet e fundit për “Sunny Hill Festival” në

Bashkë me ekipin e vullnetarëve që do të kontribuojnë për mbarëvajtjen e këtij eventi, Veliaj theksoi se përbri skenës do të ketë dhe një hapësirë për fëmijët. “Kjo ka qenë një javë fantastike për Tiranën. Gjysma e parë e javës u fokusua te sporti, me fitoret e Luiza Gegës dhe Florian Markut. Tani e marrin stafetën artistët shqiptarë. Kush ka vizituar Liqenin e Tiranës s’ka për të besuar se ky vend është transformuar në kaq pak ditë dhe në kaq pak orë. Tani jemi në punët e fundit, është përgatitur hapësira e skenës së madhe, ndërkohë tek fusha e balonave, siç e mbajmë mend ne nga Tirana e vjetër, kur luanim me balona, është pjesa e child-zone”, tha Veliaj.

Përgatitjet e fundit për “Sunny Hill Festival” në

Ndërkohë janë marrë masa në bashkëpunim edhe me Policinë Bashkiake dhe atë të Shtetit, për lehtësimin e qarkullimit të mjeteve dhe garantimin e sigurisë. Kreu i Bashkisë u bëri thirrje qytetarëve që të shmangin përdorimin e automjeteve. “Në dallim nga Gërmia, ku ndoshta duhet të vish me makinë, kush jeton në Tiranë të mos vijë me makinë! T’i ruajmë vendet e parkimit për ata që do vijnë nga Kosova, Maqedonia, Italia, Greqia, Mali i Zi dhe nga vende të tjera”, nënvizoi Veliaj.

Përgatitjet e fundit për “Sunny Hill Festival” në

Veliaj tha se pjesa e Liqenit Artificial që do të mikpresë festivalin “Sunny Hill Festival”, do të shërbejë si një hapësirë e përhershme për festivale të ngjashme. “Unë besoj se ne do kemi një histori suksesi që fillon sot dhe do vazhdojë për vite të tëra me “Sunny Hill Festival” në Tiranë. Besoj shumë që të gjithë ata që do të vijnë nga qytete të tjera, do ta shohin Tiranën edhe si një destinacion, në këtë vit që është Kryeqyteti Europian i Rinisë, edhe si destinacion i artit dhe kulturës. Ëndrra që kemi me Dukagjinin është që këtë ta kthejmë në një hapësirë permanente të festivalit, e dedikuar vetëm për aktivitete të tilla”, theksoi Veliaj.

Përgatitjet e fundit për “Sunny Hill Festival” në

Edhe Dukagjin Lipa babai i këngëtares shqiptare më të njohur në botë që organizon këtë festival siguron tre netë fantastike, ku do të performojnë këngëtarët më të mirë të momentit.

Përgatitjet e fundit për “Sunny Hill Festival” në

“Është kënaqësi të jesh në Tiranë, është kënaqësi të shohësh të rinjtë e Tiranës dhe Prishtinës. Po shpresojmë se të rinjtë tanë do kalojnë 3 ditë fantastike në Tiranë, edhe kjo do të kthehet me shpresë në një event i cili do të përsëritet. Jemi në një vend është shumë unik, shumë i veçantë për të pasur një festival të tillë. Ky është viti i parë në Tiranë, por shpresojmë se do kalojë shumë mirë. Kemi disa prej artistëve më në zë të momentit në zhanërat e tyre në Europë”, tha Lipa.

Përgatitjet e fundit për “Sunny Hill Festival” në

Për të shmangur radhët e gjata për blerjen e pijeve apo të ushqimeve, organizatorët kanë menduar disa risi, duke eliminuar pagesat cash. “Pjesa e konsumit funksionon cashless, do të thotë nuk përdorim cash në Festival. Kemi bërë “Sunny Hill Festival” aplikacion që doënload-et, merret një QR code me emër mbiemër, mbushet përmes bankës dhe mundesh të paguash shpejt”, sqaron Dukagjin Lipa.

Përgatitjet e fundit për “Sunny Hill Festival” në

Ndërkohë, ditën e sotme do të performojnë Fedez, Action Bronson, Capital T, Dafina Zeqiri etj.