Stenda shqiptare në panairin më të madh në botë, si e dalë nga librat e Kadaresë
E Premte 19 Maj 2023, 11:22
TiranaPost
Shqipëria, për herë të parë ishte pjesë e ‘paese ospite’ në Sallonin Ndërkombëtar të librit në Torino. Një nga panairet më të famshëm dhe më të mëdhenj në botë, të librit, ka në edicionin e 35-të edhe Shqipërinë.
Salloni i këtij viti ka një titull dhe quhet “Përmes pasqyrës”, si një homazh për autorin britanik Lewis Carroll.
Kurse ne kemi Kadarenë tonë. Ndaj këndi i Shqipërisë duket sikur ka dalë nga “Kronikë në gur”. Është ndërtuar në formë guri me, por jo gri, me ngjyra.
“Urojmë që ky të jetë një moment i bukur për të njohur njëri-tjetrin”, tha ministrja Margariti e pranishme në eventin kulturor.
Panairi është çelur dje dhe do të zgjasë për katër ditët në vazhdim.
Mes 44 shtetesh e 200 profesionistëve të enteve botuese, Shqipëria është vend mysafir.
