Babai dhe vëllai flasin për vendimin e Meghan: Nuk është më vajza që dikur e rrita!
Babai i Meghan Markle, edhe pse i lënë jashtë nga ish jeta mbretërore e vajzës saj, nuk është dakord për vendimin që ka marrë çifti, për të hequr dorë nga titujt mbretërore dhe të pavarur financiarisht. Thomas Markle ka treguar se Meghan preku ëndrrën e çdo vajze, që të bëhej një princeshë dhe se tani ishte mërzitur për gjithë këtë situatë që ndodhi. Në intervistën për Channel 5 ai tregoi se si çifti po shkatërronte një nga institucionet më të mëdha dhe më të rëndësishme britanike, përmes veprimeve tyre.
'Ata po e kthejnë familjen mbretërore në një Walmart me një kurorë. Meghan nuk është më si vajza që rrita dikur kur ishte fëmijë'.
Ndërsa Tom Markle, vëllai nga babai i Meghan, 35 vjeç ka treguar se babai i tij është shumë i dëshpëruar që akoma nuk e ka takuar nipin e tij Archie, që lindi që në maj të vitit të kaluar. Ai tha se babai i tij do vdiste i lumtur nëse do të kishte të varur në murin e shtëpisë së tij një foto familjare me Meghan dhe Harry.
Tom ka treguar edhe për jetën e Meghan para se të dashurohej me Harry-n dhe të lindnin konfliktet me të atin, për shkak të deklaratave të tij nëpër media.
Ajo (Meghan) nuk shkonte askund pa babanë e saj, ai i pagoi rrobat, makinën, shkollën, qiranë, faturat e tjera, shpenzoi shumë me të. Është ok dhe shumë mirë bën që ndihmon gratë nëpër qendra të ndryshme, por ajo tani duhet të kujdeset për familjen e saj. Ne po përpiqemi ta mbrojmë. Ne nuk kemi miliona në bankë ai ajo dhe Harry. Ajo sillet sikur nuk ekzistojmë, kjo është e çuditshme, po tregohet egoiste./ Tiranapost.al