Dua t'ia dedikoj mandatin tim të gjitha vajzave të vogla dhe t’u them atyre të ndjekin deri në fund ëndrrat
Kryeministrja e re e Francës, Elisabeth Borne, është gruaja e parë që mban këtë detyrë në më shumë se 30 vjet dhe thotë se shpreson të frymëzojë vajzat e reja.
“Dua t'ia kushtoj emërimin tim të gjitha vajzave të vogla dhe t'u them atyre që tu shkojnë deri në fund ëndrrave të tyre”, tha ajo në fjalimin e saj të inaugurimit.
Inxhinierja 61 vjeçare është përshkruar si një teknokrate e krahut të majtë. Ajo shërbeu së fundmi si ministre e punës nën Presidencën Emmanuel Macron.
Zonja Borne ka përvojë të detajuar për çështjet kryesore të politikave të gjelbra dhe sociale. Ajo ka shërbyer më parë si ministre e transportit dhe ministre e tranzicionit ekologjik në qeverinë Macron, i cili u rizgjodh muajin e kaluar. Sfondi i saj shihet si një pasuri për Macron, i cili synon të shtyjë reformat e diskutueshme të politikës sociale.
Zonja Borne është gruaja e dytë që shërben si kryeministre e Francës, pas Edith Cresson në 1991-1992.
Ajo ka mbajtur role të larta në kompanitë më të mëdha të transportit të Francës dhe ka këshilluar liderët e krahut të majtë për çështjet sociale në të kaluarën. Ajo gjithashtu ka një reputacion për të punuar me orë të gjata me një ritëm të egër.
Një nga sfidat e saj më të vështira pritet të jenë negociatat për të rritur moshën e daljes në pension në 65 vjeç, nga 62 vjeç.