Franca dhe Gjermania do të japin 60,000 bileta treni falas për të rinjtë këtë verë
E Hënë 23 Janar 2023, 21:45
TiranaPost
Nëse jeni nën 27 vjeç dhe kërkoni të udhëtoni mes Francës dhe Gjermanisë këtë verë, mund të jeni me fat.
60,000 bileta treni falas do të vihen në dispozicion të të rinjve. Skema hekurudhore u njoftua nga ministrat e transportit të dy vendeve.
Ata thonë se qëllimi i nismës është të inkurajojë udhëtimet dhe të ndërtojë një shkëmbim kulturor midis Francës dhe Gjermanisë.
“Për të festuar 60-vjetorin e Traktatit të Elysee, 60,000 bileta do të vihen në dispozicion pa pagesë, sipas kushteve që do të specifikohen së shpejti”, thanë Beaune dhe Wissing në një deklaratë të përbashkët.
Beaune shtoi se nisma synon gjithashtu të inkurajojë më shumë të rinj për të marrë trenin dhe është në përputhje me ambiciet klimatike të Francës.
Shërbimet kombëtare hekurudhore Deutsche Bahn dhe SNCF do të mbështesin financiarisht skemën.
Gjysma e biletave do të ofrohen në Francë dhe gjysma në Gjermani.
Nisma do të jetë e hapur për të rinjtë nën moshën 27 vjeç, tha Wissing në Twitter.
