Histori Personale

Historia e një adoleshenteje/ Shoqja e ngushtë po mban një sekret nga unë, çfarë duhet të bëj?

Historia e një adoleshenteje/ Shoqja e ngushtë po mban një sekret

Unë kam një shoqe të ngushtë, Kristie dhe njihemi që nga shkolla fillore. Kemi qenë shumë të lidhura gjithmonë. Asnjëherë nuk i kemi mbajtur njëra-tjetrës sekrete. Të paktën deri para dje që mora vesh se ajo është ndarë nga i dashuri që para tre muajsh. Tre muaj! E imagjinoni dot? Dhe mua nuk më ka treguar.

Mendoja se ishim shoqe të ngushta. A do të thotë kjo që shoqëria jonë nuk është më e njëjta? A duhet t`i shkëpus lidhjet me të.

Përgjigja e psikologes:

Oh, ato sekrete të çmuara ... Ne na pëlqen t'i ndajmë e t`i ndajnë me ne, por kur dikush ju mban një sekret ju duket një katastrof. Sinqerisht, një vullkan që shpërthen nuk është aq i rrezikshëm sa një vajzë në atë moment dramatik kur mëson se nuk është më mbajtësja e sekretit të shoqes së saj që është ndarë nga i dashuri. Por zemërimi nuk çon askund dhe të jesh e frustruar dhe e trishtuar nuk të ndihmon t`i bësh gjërat më mirë.

Lexo listën se çfarë duhet të bësh dhe çfarë jo.

Ato që NUK duhen bërë:

Mos nxitoni të dilni në përfundime. Mund të ketë një arsye pse ajo e mbajti atë sekret. Për shembull, Kristie mund të jetë ndjerë në siklet kur u nda me të dashurin e saj dhe ajo nuk donte që të ndjeje keqardhje për të. Disa sekrete mund të jenë shumë të dëmshme për t`u ndarë.

Mos i jep fund miqësisë tënde. Më vonë mund të pendohesh për atë vendim emocional.

Mos e diskutoni sekretin e saj dhe as faktin që ta fshehu.

Ato që duhen bërë:

Qetësohu dhe bisedo me të pa zemërim ose pa e gjykuar. Para se ta pyesni pse e mbajti sekretin nga ju, ofrojini ndihmë. Pyeteni se çfarë mund të bëni për ta ndihmuar të ndihet më mirë.

Pasi të jeni qetësuar të dyja, mund të flisni përse nuk e ndau këtë histori me ju. Mund edhe t`jua tregonte këto ditë.

Pyeteni a është kjo e vetmja gjë që s`të ka treguar.

Mbajini sekretet e saj kur i ndan me ju. Nëse nuk e mbani premtimin një herë, miqësia juaj mund të shkatërrohet përgjithmonë ...

Në fund, mos sforconi askënd për t`ju besuar sekretet.